06s
Tone Rognseth & Brita Grethe Triumf
2012is ráhkaduvvui 1.–4. dássái oahpaheaddjibagadus Sámegiella nubbingiellan oahpahusa evttohussan. Vásáhusat oahpaheamis čájehit ahte ferte bidjat ollu áiggi juohke fáddái vai oahppi oahppá giela ja olaha Máhttolokten-06s’ gáibádusaid ja mihtuid. Lea dehálaš ahte oahppi oahppá iešguđet vuogi mielde. Geardduheapmi ja movttiideapmi olles áigge lea dehálaš. Dan dihte deattuhuvvo VAKT (Visuála, Auditiiva, Kinestehtalaš, Taktiila) bagadusas. VAKT bokte oahppi beassá geavahit máŋga dovdaga. Leat maid evttohuvvon spealut fáddái, vásáhusat čájehit ahte oahppi oahppá speallama bokte jođánit ođđa sániid ja doahpagiid. Lávlagat ja hoahkamat ovddidit giellaritmma ja -jietnadagaid.
Muđui leat čállon oahpahusláhčut 1.–4.dássái mas lea válljejuvvon Logut-fáddá juohke dássái. Eará oahppofáttáid sáhttá dan barggu vuođul ráhkadit/hukset. Oahpahusláhčut gávdnojit dássi 1–4 siidduin. Oahpponeavvoprogrešuvnna lea ráhkaduvvon Máhttolokten-06s’ gáibádusaid vuođul 1.–4. dássái. Vuosttaš dási barggut leat eambo njálmmálaš barggut danne go leat heivehuvvon 1.–2. jahkeceahkkái.
Juohke fáddái leat biddjon konkrehta gálgamihtut maid vuođul oahppi árvvoštallo go lea geargan dainna. Mihtut leat «Oahpa!»-pláhkkás maid oahppi oažžu go fáttáin álgá vai oahppi diehtá maid galgá oahppat. Go oahppi lea geargan fáttáin ja čađahan «geahččalemiid», de oažžu son «Diploma»-pláhkkága.
Skuvlla ja ruovttu ovttasbargu lea dehálaš. Bargoplánas leat maid mihtut vai ruovttus dihtet maid oahppi lea oahppamin. Lea dehálaš ahte váhnen veahkeha, movttiidahttá ja doarju mánás giellaoahpahallamis.
Lea maiddái ráhkaduvvon geahčastat ja rávvagat Davvi Girjji oahpponeavvoráidui sámegielas nubbingiellan mánáidskuvlla ceahkis, maid Berit Jonskareng j.ea. leat čállán, maid gelbbolašvuođamihttomeriid 1.–4. dási maŋŋel oahppogirjjit 3.–7. jahkeceahkkái gokčet.
Berit Johnskarenga oahppogirjjiid sáhtášii ná geavahit iešguđetge dásiin Máhttolokten 06s mielde:
SÁMEGIELLA 2
- Dássi 1 (1.–2. jahkeceahkki) ja dássi 2 (3.–4. jahkeceahkki) sáhttet geavahit girjjiid Boađe mu mielde ja Buresboahtin!.
- Dássi 3 (5.–6.jahkeceahkki) sáhttet geavahit girjjiid Sárá ja su ustibat ja Bures bures fas!
- Dássi 4 (7. jahkeceahkki) sáhttet geavahit girjji Oaidnalit!
- Dássi 5 (8. jahkeceahkki)
- Dássi 6 (9. jahkeceahkki)
- Dássi 7 (10.jahkeceahkki)
SÁMEGIELLA 3
- Dássi 1 (1.–2. jahkeceahkki)
- Dássi 2 (3.–4. jahkeceahkki) sáhttet geavahit girjjiid Boađe mu mielde ja Buresboahtin!
- Dássi 3 (5.–7. jahkeceahkki) sáhttet geavahit girjji Sárá ja su ustibat Dássi 4 (8.–10. jahkeceahkki) sáhttet geavahit girjji Bures bures fas!
Sáhtášii maiddái geavahit eará girjjiid ja neahttasiidduid lassin Berit Johnskarenga girjjiide. Dá leat evttohusat girjjiide, neahttasiidduide ja oahpaheaddji rávagirjjiide:
DÁSSI 1 ja 2:
- Utsi, Marit Alette: Gággi 1 ja Gággi 2
- Buljo, Karen Anne: Boađe! Ohppiidgirji 1 ja Boađe! Bargogirji 1
- Lindback, Harald: AÁBC Bustávvagirji + Bargogirji
- Johnsen, Ellen Nora: Logut 1–10
- Guttorm, Heidi: Šáike Šuvon 2
- Sámi giellaguovddáš Gáivuona Suohkan: Málengirji
- Amery, Heather & Cartwright, Stephen: Vuosttaš 1000 sáni
- Brooks, Felicity & Litchfield, Jo: Logut
- Amery, Heather & Cartwright, Stephen: Vuosttaš 100 sáni
- Britt Guttorm Gaup, Helene Guttorm, Wenche Nergård ja Anna Sparrok: Čieža čáppa 1
- Britt Guttorm Gaup, Helene Guttorm: Čieža čáppa 2
- Britt Guttorm Gaup, Helene Guttorm: Čieža čáppa 3
- Sámi oahpahusráđđi: Mu govvasátnegirji
DÁSSI 3 ja 4:
- Hætta, Lena Romsdal ja Kristensen, Lisa Romsdal: Čuovvul dál!
- Einarsen, Heidi Guttorm: Searvva fal!
- Sara, Elen Ragnhild: Joatkke ain!
- Meløy, Kari: Giella Sámis 1
- Eriksen, Ardis Ronte: Sápmái go?
NEAHTTASIIDDUT:
- www.logas.no
- www.lohkan.no
- www.e-skuvla.no
- www.kafjord.kommune.no – Giellaguovddáš
- www.ovttas.no
CD-ROM
- Møller kompetansesenter: Jagi mánut/Fuolkevuohta
OAHPAHEADDJI RÁVAGIRJJIT
- Oahptii Iŋgá: Dápmot -Oahpaheaddji ideagirji 1. ja 2.luohkáide
- Eli Rajala Lautz, Elisabeth Arneng Varsi, Heidi Wilsgård, Hilly Sarre, Unni Helander Utsi: Giellarieggát 1
- Eli Rajala Lautz, Elisabeth Arneng Varsi, Heidi Wilsgård, Hilly Sarre, Unni Helander Utsi: Giellarieggát 2