Ohppiidjoavkkut
Tone Rognseth & Brita Grethe Triumf
Ohppiin, geat válljejit sámegiela nubbingiellan, eai leat seamma eavttut go oahpahallagohtet sámegiela. Joavkkus sáhttet leat oahppit:
- geain nubbi váhnen lea sámegielat ja nu gullet sámegiela beaivválaččat
- geain lea gullevašvuohta sámegilli, muhto eai gula sámegiela ruovttus
- geat leat leamaš sámi mánáidgárddis
- maid oahppit geat eai gula sámegiela eará go sámegieloahpahusas.
Dasa lassin sáhttet leat oahppit geat leat válljen sámegiela eaktodáhtolaččat beroškeahttá gullevašvuođas sámi kultuvrii. Vai oahppit ovdánahtášedje buoremus sámegielgelbbolašvuođa, de lea dehálaš ahte ohppiin leat iešguđetlágan giellaarenat. Sáhtášii lágidit omd. ná: skuvla seastá oppalaš diibmologus juohke vahku vai sáhtášii geavahit dáid diimmuid ráhkadit giellaarenaid gos oahppit deaivvadit ja besset geavahit sámegiela.
Makkár strategiijaid oahpaheaddji vállje oahpaheamis lea oahpaheaddji duohken. Muhto jus oahppi galgá ovdánit produktiiva dásis, de gáibiduvvo ahte sus lea vejolašvuohta hupmat giela maid lea oahppame. Dan dihte lea dehálaš ahte oahpaheaddji geavaha giela nu ollu go vejolaš.
Máhttolokten 13s mielde oahppiidjoavkkut
Sámegiella 2
- Dássi 1m (1.–3. jahkeceahkki)
- Dássi 2m (4.–5. jahkeceahkki)
- Dássi 3m (6.–7. jahkeceahkki)
- Dássi 4–6 (8.–10.jahkeceahkki)
- Dássi 7 (Joatkkaskuvla 1s ja joatkkaskuvla 2f)
- Dássi 8 (Joatkkaskuvla 2s ja Joatkkaskuvla lasáhus oppalaš studerengelbbolašvuhtii)
- Dássi 9 (Joatkkaskuvla 3s ja Joatkkaskuvla lasáhus oppalaš studerengelbbolašvuhtii)
Sámegiella 3
- Dássi 1m (1.–4. jahkeceahkki)
- Dássi 2m (5.–7. jahkeceahkki)
- Dássi 1–3 (8.–10. jahkeceahkki)
- Dássi 4 (Joatkkaskuvla 1s ja Joatkkaskuvla 2f)
- Dássi 5 (Joatkkaskuvla 2s ja Joatkkaskuvla lasáhus oppalaš studerengelbbolašvuhtii)
- Dássi 6 (Joatkkaskuvla 3s ja Joatkkaskuvla lasáhus oppalaš studerengelbbolašvuhtii)
Sámegiella 4
- Dássi 1 (Joatkkasluvla 1s ja Joatkkaskuvla 1f)
- Dássi 2 (Joatkkasluvla 2s ja Joatkkaskuvla lasáhus oppalaš studerengelbbolašvuhtii)
- Dássi 3 (Joatkkasluvla 3s ja Joatkkaskuvla lasáhus oppalaš studerengelbbolašvuhtii)
Máhttolokten 06s mielde oahppiidjoavkkut
5.–6. jahkeceahki oahppit geain lea Sámegiella 2, leat dábálaččat 3. dásis OM06S’ gelbbolašvuođamihttomeriid vuođul. Go sii álget 7. ceahkkái, de leat 4. dásis.
5.–7. jahkeceahki oahppit geain lea Sámegiella 3, leat dábálaččat 3. dásis OM06S’ gelbbolašvuođamihttomeriid vuođul. Sii olahit 4. dási go gerget vuođđoskuvllas.
Jus oahppi álgá Sámegiella 2- dahje 3-oahpahusain 1. jahkeceahkis, Máhttolotekn 06s mielde, de lea heivvolaš juohkit ná:
Sámegiella 2
Gelbbolašvuođamihttomearit
- Dássi 1 (1.–2. jahkeceahkki)
- Dássi 2 (3.–4. jahkeceahkki)
- Dássi 3 (5.–6. jahkeceahkki)
- Dássi 4 (7. jahkeceahkki)
- Dássi 5 (8. jahkeceahkki)
- Dássi 6 (9. jahkeceahkki)
- Dássi 7 (10. jahkeceahkki)
Sámegiella 3
Gelbbolašvuođamihttomearit
- Dássi 1 (1.–2. jahkeceahkki)
- Dássi 2 (3.-4. jahkeceahkki)
- Dássi 3 (5.–7. jahkeceahkki)
- Dássi 4 (8.–10. jahkeceahkki)
Juohkima jurddan lea nannet oahppi oktagaslaš ovdáneami. Maiddái válddášii dát vuhtii jus oahppi lonuha skuvlla dahje oahpaheaddji. Ođđa skuvla/oahpaheaddji diehtá makkár dásis oahppi lea. Muhto dát dieđusge lea oahppi eavttuid duohken man jođánit ovdána.